TDIU akademik litseyi bitiruvchilariga diplom topshirildi

ㅤ 2022-2023 ўқув йилида академик лицейни 175 нафар ўғил-қиз тамомлаб, ўзи танлаган йўналиш бўйича етук мутахассис бўлиш мақсадида олий таълим муассасаларига йўл олмоқда, уларнинг 31 нафари академик лицейни “Имтиёзли диплом” билан битиришмоқда.

ㅤ Битирувчиларнинг 135 нафари (77%) чет тили билиш даражаси бўйича тан олинган халқаро (IELTS) ва миллий (CEFR) сертификатларга эга бўлиб, ҳозирдан маҳаллий ва ҳорижий университетлар талабасига айланишган.

ㅤ Шу билан бир қаторда академик лицейимизнинг 10 нафар ўқувчилари ўқишдаги юқори кўрсаткичлари учун Давлатимиз Президентининг 4910-сонли қарорига мувофиқ жорий этилган “Академик лицей ифтиҳори” стипендиясига сазовор бўлишди.

ㅤ Академик лицейни муваффақиятли битирган ҳамда халқаро IELTS сертификатидан юқори балл олган Махмудов Асилбек, Муродбоев Жамшид, Абдуллаев Акбар, Турдибеков Аббос, Юсупов Асилбек ва Нозимов Улуғбек каби 20 нафар битирувчилар дунёнинг АҚШ, Буюк Британия, Швейцария, Австралия, Корея, Канада каби 10 дан ортиқ давлатларининг Boston, Minnesota, La Trobe, Missouri, New York Institute of Technology, Drake, Arizona State, Stetson, Stony Brook, Chatham каби 50 дан ортиқ университетларнинг 3,5 млн. АҚШ долларидан ортиқ стипендиясига сазовор бўлиб, барча университетларда грант асосида ўқишга киришга мушарраф бўлишган.